ZALEN March 21, 2025 : BJP Mizoram chuan thuchhuah siamin Mizoram ah Development a thlen theih nan kawng zau tak a inhawng a, chumi kawng zawh tur leh Central malsawmna dawng thei tura insiam rem anih chuan hmasawnna nasa tak Mizoram hian a nei thei tih a chiang hle ah an ngai tih an tarlang.

BJP Mizoram chuan Siaha District hruaitute'n Central-ah Siaha District hmasawnna hnathawhna tur Project an thehluh aangin Central Sawrkar Narendra Modi kaihhruai chuan Rs. vaibelchhe 6000/- Siaha District tana an Approved sak ta chu an lawmpui a, Central Sawrkarin hetianga duhsak taka hmasawnna hnathawhna tur a pe hi BJP Mizoram chuan lawmthu an sawi a ni.

Mizoram mipuite'n Central BJP kaihhruai kaltlanga India ram hmasawnna mai bakah, State tinte'n hmasawnna an kalpui dan hi an hre tlang viau tawh in a rinawm a. Chutiang hmasawnna/Development chu Mizoram ah pawhin a nei ve thei a ni tih vawiin ah hian a lang chiang hle ah BJP Mizoram chuan an ngai a ni.

Central Sawrkarin Siaha District hmasawnna hna thawhna tur atan heng ahnuaia mi ang hian a Approved sak a ni.

1. Construction of Maraland Centenary Hospital (₹ 3000 lakhs)

2. Construction of Multipurpose Youth Centre (₹ 900 lakhs)

3. Construction of Mara Tribal Girls Hostel at Zotlang, Aizawl (₹900 lakhs)

4. Construction of School Buildings under MADC (₹ 1000 lakhs)

5. Cold Storage and Spice Grinding Unit for MADC (₹3.193 crore)

6. Contruction of Multipurpose Hall at Tipa ( ₹ 400 lakhs) te a ni.

Central sawrkar chuan Siaha hruaitute'n an thlen angin tuna project an Approved bak a Project dangah pawh hmalak chhunzawm zel a nih tur thu Siaha District hruaitute an lo hrilh bawk chuan BJP Mizoram mi te Central hian a ngaih pawimawh zia a tilangah an ngai a, Politics an khelh chhan ber Development thlenna tur atan BJP hi a pawimawh a ni tih hei hian a ti lang chiang hle ah BJP Mizoram chuan an ngai bawk a ni.

Central hruaitute dawr hian M. Laikaw, CEM, MADC & President BJP Siaha District ; N. Zakhai Adviser to CEM, MADC leh Delson Notlia, MDC & National Secretary i/c Minority Morcha te an kal a ni.