September 11, 2023; Inrinni khan Siaha District Jail-a tang, Vanrampana s/o K Sanga, Meisatla, Siaha chu a tlan chhuak a, he thuziahlai thleng hian man a la ni lo.

Vanrampana hi rukruk thubuai avanga man niin court-ah a thubuai ngaihtuah lai mek a ni.

Inrinni khan Siaha District Jail-a security- wall siam that hnathawh mek atangin atlan chhuak a, a tlanchhuak tur hi jail-a duty-ten dan an tum a, mahse dang zo lovin a tlan chhuak thei ta tho nia thudawn a ni.

Siaha District Jail Superintendent chuan Siaha Police Station-ah Vanrampana- lakah hian FIR a thehlut a, he thu buatsaih lai thleng hian zawn mek ala nih thu Siaha police station atanga thudawn a ni.