ZALEN August 6, 2025 : Vanlalsiama, Sialhawk-in ramhnuaia khuai a khawi bawm 23 chu suasam sak a ni a, he khuai bawm hi suasam tih hmuh a nih hnuah PC Lalthakima, Sialhawk chu rinhleh niin man a ni a, amah tih ngei a nih thu vawiin khan a inpuang.

Vawiin khan PC Lalthakima hi Khawzawl Police te chuan thu zawhfiah turin an la a, amah tih ngei a ni tih a puang a, mahse, khuai khawitute lam hian Pathian hmingin an ngaihdam tak avangin thubuai siam sak a ni lo. Khawzawl Police Station atanga thudawnna chuan intiamkamna te neih tir a nih thu ZALEN a hrilh a, mahse, khuai neituten an intiamtir dan erawh an hriatpui loh thu a sawi.

Khuai khawi lai ramhnuaia mi hi PC Lalthakima hian hlo engmaw hmangin a kap niin a lang a, khuai bawmah hian khuai thi an let pheng phung a ni.