ZALEN August 8, 2025 : Nizan dar 11:00 vela Tlawng thir lei bul, Sihhmui Balu kai bul atanga tla Lalsiamthari Sailo, 33 D/o Zoramchhana Sailo (L), Bungkawn Tlangveng ruang chu he thu buatsaih lai thleng hian hmuh a la ni lo a, tui a tam avangin zawn mumal pawh a la ni lo.

Lalsiamthari Sailo te hi kawng kama In pakhata luh an tum chu inchhuihpalin thlang lama tlang dal atan siam Rangva intung chu a bawh a, he rangva hi a lo ngheh loh avangin a tla zui a, a thlang khamah lum thla zuiin Tlawng lui-ah hian a tla ta niin hriat a ni.

Tui hi a tam avangin he thu buatsaih lai thleng hian ruang hi zawn hleih theih a ni lo a. Sairang leh Sihhmui tui thiam te pawhin dap ngaihna vak an hre lo, niin thu dawn a ni. Tlawng lui chinchang hria te chuan ruang hi tui hian a la len thui vak an ring lo. 

Picture : Thlalaka a lan ang hian thlam luh dawna rangva uaithla hi Lalsiamthari'n a bawhthluk chu a ni a, bathlar atang hian tla thla zuiin Tlawng lui a tla tlang a ni.