DOWNLOAD OUR APP

Read latest news on your phone
app-store
SIKKIM TUI LIAN: Mi 53 thi tawh, tute nge an nih hriat tawh mi pasarih
Oct 07, 2023

Sikkim-a ruah bawhawk surin Teesta lui a tihlen thut avanga chhiatna thlengah ni thum liam ta chhung khan an thenawm, West Bengal-ah ruang 27 hmuh a ni tawh a. Heng mite nen hian sipai pasarih nen mi 53 thi an awm ta.


Ruang hmuh tawh zinga pasarih hi tute nge an nih hriat a ni tawh.


Mi 140 chuang an chin hriat lohvin an awm mek a, mi sang tel baihvaiinan awm mek bawk.


Sikkim sorkar chuan chenna in 1,173 a chhiat thu leh mi 2,413 chhanchhuah an nih tawh thu an sawi a. Teesta-V hydropower station thlang lama lei zawng zawng chu tuiina chim loh leh tuiin a la vek a, North Sikkim kalpawhna a buaithlak phah hle.


Chief Minister Prem Singh Tamang chuan Zirtawpni khan high-level meeting kovin chhanchhuah, chhawmdawl leh thil chhia siam that dan tur an sawiho va. Hna hmasaa Chungthang tlawhna tur kawnghawn te, Naga leh Toong inkar kawngpui siam thuai thuai te ni se an ti.


An chhungte thi hnenah zangnadawmna Rs. nuai 4 theuh pek ni se an ti bawk.


Chungthang pawhna tur leh Naga leh Toong inkar kawng siam hna hi thawh nghal niin officers leh department hrang hrangten chief secretary hova vilin an buaipui.


India Meteorological Department (IMD) chuan ni nga lo awm leh tur chhung hian Mangan district-ah ruah a la sur dawn niin an sawi a, Lachen leh Lachung pawh chhumin a la bawh nasa hle bawk tih an sawi a. Hei hian khualzin 3,000 chuang la tangkhang mekte lak chhuah a tihbuai hlauhthawn mek a ni.


Indian Air Force (IAF) chuan ni hnih liam ta chhungin Mi-17 helicopter hmanga chhanchhuah leh chhawmdawl hna thawh an tum chu an hlawhtling thei lo niin an sawi a. Lachen leh Lachung phai kuamah te chhum zing a hniam lutuk a, khaw awm danin a zir bawk lo niin an sawi.


Chhanchhuah hna thawktute chuan mi 2,413 an chhanchhuak tawh chungin mi 6,875 zet baihvaiin, chhanchhuah ngai an la awm mek a, relief camp 22 siam niin mi tam tak an khawsaktir mek an ni.


Ruah sur hian dil tui a tiliam a, a hnu lawkah Chungthang Dam atangin tui a liam bawk a, hei hian Nilaini tuk atang khan Teesta lui chim chin chu nasa taka tisangin a thlang lamin nasa takin an tuar zui ta a ni.


Union Home Minister Amit Shah chuan Zirtawpni khan tui lian tuarte tanpuina atan State Disaster Response Fund (SDRF) hnenah Rs. Vaibelchhe 44.8 pek an nih tur thu a puang a. Home ministry hian chhiatna thlengte ena tlawh turin Inter-Ministerial Central Team (IMCT) a din bawk.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh