June 19, 2022; Sikul naupangte himna atan June 20-21 chhung Mizoram a zirna in Primary - Higher Secondary zawng zawng khar a ni dawn.

Vawiin tlai khan Scool education director Dr. H. Lalthlangliana chuan hriattirna tichhuakin, Mizorama ruah nasa tak sur mek chu khawchin thlirlawktuten ni 2 chhung la sur zui tura an ngaih avang leh disaster lam hotuten fimkhur tura thurawn a pek angin, June ni 20 leh 21 chhung chu, sikul naupangte himna ngaihtuahin Mizoram pumah zirna in, primary atanga higher secondary school zawng zawng khar tur a ni.

Hetihlai hian Mizoram hmun hrang hranga ruahsur mek chuan chhiatna hrang hrang a thlen nual tawh a, vanneihthlak takin mihring nunna chan erawh an la awm lo nia hriat a ni. Leimin vanga chenna in chhia te, leimin in kawng a hnawh vanga harsatna thleng report te hmun hrang hrangah a awm mek bawk.