February 16, 2024; Traffic police, Aizawl chuan kumin chhungin dan bawhchhia, exhaust/silencer ring lutuk 248 an man tawh.

Traffic police hotute hnen atanga ZALEN thudawn danin, kumin February ni 11 thleng a silencer an man te hi dan anga tihchhiat vek tur a ni dawn a, chumi phalna chu an dil mek.

Traffic police te hian dan bawhchhia; exhaust/silencer ring lutuk, midang leh mahni himna ti derthawng khawpa chaka tlan, rui chunga lirthei khalh, driving license nei lova lirthei khalh etc. te mana dan zawmna kawnga hma kan sawm zel theih nan a tul anga fuih leh zilhin, pawisa chawi ngaite pawhan chawitir thin.

Traffic police te hian theihtawp chhuaha an hmalakna thlawp a, kan zavaia himna tura tang tlang turin mipuite an sawm.