Aizawl: Zirtawpni zan thleng khan Mizoramah Covid-19 vei mi 903 an awm tling ta a, heng zinga 420 te chu dama chhuah tawh niin vei mek mi 491 an awm mek. Nimin result chhuak leh Zirtawpni result chhuak atanga tehin Sipai lam vei % a tla hniam hret a, khawtual mi a sang hret thung a, sipai lam lam hi vei thar awm mah se, chhuahtir an tam vang a ni.

Nimin piah lamah khan he natna hri la vei 44.17% a nih laiin nimin lama an percent erawh 38.74%-ah a tla thla a, Civil mi vei hi 28.43% atangin 31.58%-ah a kai chho thung a. Truck driver lam hi kai thar 5 awm belhin, anni zingah hian he natnain a kiansan tawh avanga chhuah an la awm lo a, nimin piah lamah 26.38% an nih laiin result chhuak hnuhnung ber atanga chuan kai zinga 28.63%-ah an kai chho thung.

Sipai bik hrim hrim hi kai 377 an awm tawh a, kai mek hi data hmuh theih chinah mi 216 an la awm a, chhuak tawh mi 155 an awm. Truck driver 136-te chu an zavaiin quarantine centre-ah an la awm a, Civil mi hi 384 awm tawhin mi 231 chhuah tawh an ni a, vei mek 150 an la awm. Thawktu kai tawh hi mi 6 an awm tawh a, 1 hian damdawi in a chhuahsan a, enkawl lai 5 an awm.