Aizawl August 23, 2024: Vawiin khan Chief Minister Lalduhoma chuan a office-ah NITI Aayog hmalakna a State Institute for Transformation (SIT), Planning & Programme Implementation Department, Mizoram tana thawk tur mithiam; Team Lead leh Sector Expert mi pakua (9), an hna thar zawm fel te chu a kawm.

Chief Minister chuan, State Institute for Transformation (SIT ) chu a lo nghahhlel tawh thu leh an lakah beiseina sang tak a neih thu a lo hrilh a. Sawrkar thar hmalakna hlawhtlinna tur tam tak chu in kutah hian a awm dawn a ni, a ti a. Chief Minister Dashboard neih thuai a duh thu pawh lo hrilhin an kal zelna turah duhsakna a hlan a ni.

State Institute for Transformation (SIT) Mizoramah hian Team Lead bakah heng Sector Expert:

1. Livelihood Expert.

2. Education & Skill Development Expert.

3. Logistics Expert.

4. Industry & Investment Expert.

5. Technology Expert.

6. Evaluation Expert.

7. Project Monitoring Engineer (2) te lak thar an ni.

Anni hian Mizoram Sawrkarin NITI Aayog duh dan leh Viksit Bharat 2047 tih hlawhtlinna te, nasa zawka hmasawnna Mizoramin a neih theih nan te kawng hrang hrangin hma an la dawn a, vawiin vek khan an Orientation Course zo felin karleh atang chuan hna an thawk tan tawh dawn a ni.