Six basic need tihhlawhtlin nan theihtawp kan chhuah zel dawn - PC Party President
![](/storage/news/post/tDKAFb6ieCBKxU5ODOmx1VpVFEPA54zpwzZYkpJR.jpg)
Aizawl : Peoples' Conference (PC) Party General Headquarters chuan Vawiin September ni 22, 2022 (Niingani) hian PC Party Durbar Hall, Treasury Square-ah General Assembly an hmang a. R. Zatawna Returning Officer (RO) kaihhruaina hnuaiah kum 2 chhung atan party hruaitu tur thlanna an nei a, President-ah Vanlalruata, Senior Vice President -ah Lalrinzuala Chawngthu, Vice President-ah Lalrinmawii Fanai leh Treasurer atan HK.Liansawta te an thlang.
Vanlalruata President thar chuan thu sawiin, ''PC Founder President Brig.T.Sailo-a'n kan ram tana hmathlir thui tak neia eng emaw chen hma a lo lak tawh Pu Lal Thanhawla kaihhruai Congress Party leh Pu Zoramthanga kaihhruai MNF Party sawrkar thin ten an chhunzawm mumal loh avanga kum 35 liam taa Six Basic Needs (kan ram mamawh bulpui paruk) vawiin thlenga kan ram dinchhuah nan leh hmasawnna atana hnukpui ber la ni fan hi kei leh ka thawhpuite hian tihhlawhtlin ngei tumin theih tawp kan chhuah zel dawn a ni," a ti.
PC President thar chuan ZPM chungchang sawiin, "ZPM Party-in PC Party mi leh sate thlem nan Brig. T. Sailo Policy leh Programme kalpui tur leh tihlawhtling tura an insawi thin chu PC Party mi ni thinte leh Zoram mipuiite bumna hmanrua mai a ni," a ti. Ruata chuan, "Six Basic Needs tuipui ber anga lang si tun tuma Economic Policy an tlang zarh takah an dah tel leh si lo a. Bairabi bula Tlawng lui khuah (Bairabi Hydel Project) phei chu an hlamchhiah thak. Mizorama political party-te zinga Bairabi Hydel Project tihlawhtling tur chuan keini PC Party bak hi kan awm lo. Bairabi Hydel Power Project bik tana Clearance awm tawh sa, bul tan nghal theih, kan state pual liau liau hi kan sawrkar phawt chuan kan bul tanna tur a ni a, Tuivai leh Chhimtuipui kan khuap bawk ang," a ti bawk.
Vanlalruata chuan PC Party Policy tihhlawhtlin a nih beiseia party hrang hrang lo bel tawh, beisei hmu leh si lo an tam thu sawiin, ''Hawh u, Brig.T.Sailo hoa kan ram siam tuma kan thahnemngaihna kha a hlawhtlin theih nan a paitu dik tak PC Party lam hawiin I kir leh ang u," tiin PC Party mi leh sa ni thin party danga awm tawh te leh Zoram mipuite a sawm a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024