Social media-a Zofate inpumkhatna tichhe thei zawnga inbeihna-in MZP rilru a ti na
![](/storage/news/post/jPXnXZ5RrLN3ZpNdiD4GnJZ5WYsSMi36AlhL6wwM.jpg)
Aizawl April 24, 2023 : Vawiina MZP extended meeting chuan tunlaia social media lamah Zofate inpumkhatna tichhe thei zawngin thawm a ri chuan MZP rilru a ti na, an ti a, Zofate inpumkhatna duhtu chuan na an tih ngei an ring.
MZP chuan, "Zofate hi kan duhthu ni lova thendarh kan ni a, sawrkar pathum hnuaiah ram leh mipuite hi kan awm mek a. Sawrkar hran hnuaia awm chunga kan inpumkhat theih nan MZP chuan theihtawp a chhuah thin. MZP leh nationalist pawl leh mimal tawh phawt chuan hmun danga mite hi ram dang mi enin an en thei lova. Zo hnahthlakte'n hetiang rilru hi pu se tih hi MZP duh dan, tun hma atanga a lo aupui thin a ni a, Zofate'n inpumkhatna leh insuihkhawmna rilru pu theuh ila tih hi MZP duh dan a ni," an ti.
Awmna ram te kalphung inzahtawn a tul chungchang pawh sawiin, "Hmun hrang hranga Zofate hian hmun danga kan unaute kalphung leh kan inkaihhruaina te, kan dan leh hraite kan inngaih pawimawhsak a ngai a, hmun danga kan unaute zinga kan awm pawhin an duh dan te, an dan te ngai pawimawha kan zah thiam a ngai a, chu chu kan inpumkhatna kawnga thil pawimawh a ni," an ti.
MZP chuan, "Tunlaiin khawchhak lam leh khawthlang lam atangin Mizoram state-ah kan unaute an rawn raltlan a, sawrkar leh mipuiin tha taka kan lo dawngsawng hi a lawmawm a, tin, raltlante leh hmun dang atanga Mizoram state-a rawn lutte pawhin Mizoram state kalphung leh dan leh hraite ngai pawimawh se, Mizoram state mipuite zah thiam se, chu chu kan inunauna atan a pawimawh a ni tih hi MZP ngaihdan a ni," an ti bawk.
Zofate inpumkhatna tichhe thei zawnga che lo tura insum turin MZP chuan hmun hrang hranga Zo hnahthlakte an ngen a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024