ZALEN June 16, 2025 : Vawiin chawhma khan ZPM General Headquarters chuan Party Office ah chhung inkhawm kan hmanga he huna thusawitu Lalrinpuii Social Welfare & Tribal Affiars Minister chuan ruihhlo ngaite enkawlna tura atana an inbuatsaihna te a sawi.

Minister chuan, “Home leh Centre te mumal zawka kalpui turin ‘The Mizoram Drug Treatment & Rehabilitation Centre Accreditation Rules’ hmang turin kan inbuatsaih a, Home enkawltute training kan pe a, anni pawh an inhawng hle a ni. Aizawl khawpuiah ruihhlo avanga harsatna tawk an thahnem hle tih kan hria a, he harsatna sukiang tur hian “Hulhliap” short Stay Centre din ni se kan ti a, hetah hian ni 10 chhung chu Doctor leh Nurse te enkawlna hnuaiah Detoxification kalpui a ni ang a, ni 5 dang Psychologist ten councelling an kalpui leh ang, ni 5 dang chu spiritual councelling neihpui tum a ni. Hemi hnu hian an dinhmun a zirin an chhungte hnena haw thei tura buatsaih kan tum a, la inpeih lo deuhte chu centre a awm chhunzawm thei turin ruahmanna kan siam bawk a ni," a ti.

Healtha Minister chuan, "He hmalaknaah hian MYC Chairman Malsawmzuala kaihhruaina hnuaiah “Hulhliap Core Committee” din a ni a, heath hian Social Welfare, Health, Law, Police, Excise, Kohhran aiawh, Central YMA leh a dangte kan awm a, Sub committee hrang hrang siamin, chak takin hma lak a ni. Mizoram Synod in Synod Revival Camping Centre, Neihbawi chu he hulhliap hmun atan hman min phalsaka kan lawm hle a ni. Tum khatah mi 200 vel zel enkawl theih kan tum a, thlatin batch thar zel enkawl tum a ni. Bultanna tur sum leh pai mamawh chungchangah pawh Chief Minister Lalduhoma a inhawng hle a, Party, mipui, NGO leh Kohhran ten theihtawpa min tawiawm turin ka ngen a ni,” a ti bawk.