Delhi-a Sonam Kapoor leh a pasal Anand Ahuja te chenna in atanga cheng vaibelchhe 2.4 hu thil hlu ru chhuaktua puh nurse pakhat chu man a ni. 

Police te chuan he nurse hian pawisa leh tlereuh thahnem tak a ru a, hemi hlut zawng belhkhawm hi vbch 2.4 zet a nih thu an tarlang. He pawi khawihna hi February 11-a thleng kha niin, Sonam Kapoor te chhawr nurse chu mawhphurtuah ngaih a ni a, amah bakah a pasal pawh poilice te chuan an man tawh a ni.    

He thil thleng chungchangah hian February 23 khan, Tughlak Road Police Station-ah thu buai ziahluh a ni a, chhui zui mek a ni. Sonam Kapoor leh Anand Ahuja te hian hnawthawktu mi 20 vel an chhawr a, chung zinga an rinhleh ber chu kum 31 mi Aparna Ruth Wilson a ni. Ani hi ngawrh taka chhui zui mek niin, a pasal pawh thu zawh fiah a ni a, an chenna pawh poilce ten Thawhlehni khan an dap a ni.