Aizawl May 17, 2024 : Kum 2007 bawra India leh Bangladesh ramri hung hna (Indo-Bangla Border fencing) thawh na tur atana sawrkar in mimal ram a lak sak ah Ram Pass (LCS) lem 35 zet hmangin zangnadawmna dawng a hriat a nih atangin he thubuai hi a irh chhuak a, hemi thubuai hi CBI ten an chhui hnuah Special Judge, Prevention of Corruption Act, HTC Lalrinchhana chuan mi 23 chu thiamloh a chantir.

Hemi thubuai ah hian kha tih hunlai a CADC a Revenue Officer (Settlement) Ranga Mohan Chakma chu Ram Pass lem pechhuak tu ber a puh a ni a, CADC hnuaia Surveyor dang pahnih Borcheg Image Chakma leh Manabendra Chakma te nena inthurual in ram lak ngai tur hming (List) pawh dik lo taka inthurual a siama puh an ni bawk. Hemi thubuaia an Ram Pass pek chhuah ho hi a zavai deuh thaw hian sawrkar pisa chawlhni a pek chhuah ang vek a a ni hi tarlan a ni a.

Ram Pass ah hian CADC (Agricultural Land) Act, 1983 leh CADC (Agricultural Land) Act, 1993 hnuai a pek chhuah anga tarlan a nih laiin he dan hi a awm lova, CADC (Agricultural Land) Act, 1982 chauh hi an dan neih a ni thung.

Hemi thubuai a Ram Pass lem hmanga zangnadawmna (Compensation) kum 2009 vel a dawng a tarlan te chu :

1. Chutih hunlaia CADC Chairman Sushil Kumar Chakma, ani hian ₹ 4,54,000/- a dawng.

2. Chutih hunlaia CADC hnuaia Surveyor Borcheg Image Chakma, ani hian ₹ 2,57,750/- a dawng.

3. Chutih hunlaia CADC hnuaia Assistant, PWD Ramesh Kanti Tongchangya, ani hian ₹ 2,07,000/- a dawng.

4. Subhash Chakma hian ₹ 2,64,750/- a dawng.

5. Kala Uda Tongchangya hian ₹ 1,72,050/- a dawng.

6. Ravi Chandra Chakma hian ₹ 63,600/- a dawng.

7. Vanlalkima hian ₹ 2,74,100/- a dawng.

8. Patul Chakma hian ₹ 1,94,750/- a dawng.

9. Gupa Rani Chakma hian ₹ 2,55,500/- a dawng, ani hi Kalmuni Tong, Assistant Revenue Officer farnu (Cousin sister) a ni.

10. Sumati Jiban Chakma, Primary Teacher, Borapansury, CADC hian ₹ 52,000/- a dawng.

11. Kripamoy Chakma hian ₹ 2,10,000/- a dawng.

12. Jatra Mohan Chakma hian ₹ 3,16,000/-a dawng.

13. Gunomoni Tong hian ₹ 3,97,500/- a dawng.

14.Tamanna Chakma hi CADC Chairman Sushil Kumar Chakma fanu niin, a ni hian Ram Pass pahnih neiin ₹ 5,18,000/- a dawng.

15. Malina Chakma, Head Assistant, Forest Department, CADC hian ₹ 2,80,500/- a dawng.

16. Rakhi Chakma hi Ranga Mohan Chakma, Revenue Officer (Settlement) fanu niin ₹ 4,47,000/- a dawng.

17. Jama Charan Chakma hian ₹ 3,23,500/- a dawng.

18. Bimalasen Tongchangya hian ₹ 2,12,500/- a dawng.

19. Jamallya Tongchangya (Dead) hian ₹ 2,77,000/- a dawng.

20. Surat Mala Tongchangya hian ₹ 2,32,000/- a dawng.

21. Thanmawii chutih hunlaia Lawngtlai DC Pu Zahminga nupui niin, ani hian Jarman Chakma leh Kumbir Chakma tih hmingin ₹ 9,25,500/- a dawng a, he hming pahnih Jarman Chakma leh Kumbir Chakma tih te hi CBI te hian mihring awm lo niin an hmuchhuak nghe nghe a, CBI te hian thubuai an chhui lai hian he ₹ 9,25,500/- hi an man sak nghe nghe.

A chunga zangnadawmna dawngtu te bakah a hunlaia CADC a Revenue Officer (Settlement) Ranga Mohan Chakma, CADC hnuaia Surveyor dang pahnih Borcheg Image Chakma leh Manabendra Chakma te pawh hemi thubuai ah hian an tel ve a ni.

David C. Darduna hetih hunlaia Lawngtlai DC Pisa a UDC hnathawk niin hemi thubuaia zangnadawmna pechhuak tu ber hi a ni a, hetianga Ram Pass dik lo a ni tih hre reng chung leh a bikin Lawngtlai DC nupui Thanmawii zangnadawmna pawisa turah phei hi chuan Jarman Chakma leh Kumbir Chakma te hming ni si T. Mawii tih hminga pawisa a pek chhuah hi hriat loh ngaihna awm lo a nih ang in thubuai ah hian a tel ve a ni.

Thubuai kalpui a nih lai hian Jamallya Tongchangya leh Lawngtlai DC hlui Zahminga te hi an boral avangin an chungchang thu ah erawh court in thutlukna a siam thei lo thung.

Tin, manna thupek ‘Warrant of Arrest’ pekchhuah a ni na chung in Accused No. 11 Patul Chakma leh Accused No. 17 Tamanna Chakma te hi tun dinhmun ah man an la ni rih lo bawk.

Hemi thubuai a thiamloh chantir te chu a hnuaia mi te hi an ni.

Hemi thubuai ah hian CBI lam hian thuhretu mi 34 te court ah thu an zawt fiah a, Court hian CBI in an thubuai hi an finfiah zo ah ngaiin, a hnuai a mite hi section 420/468/471 r/w 120 B IPC leh section 13 (2) r/w 13 (1) (c), (d) of PC Act, 1988 angin zangnadawmna dawn duh vanga thuneitute bum ah te, lehkha lem leh diklo a tak anga thuneitute hnena an hman vang te leh, sawrkar hnathawk an thuneihna an mahni emaw mi tute emaw tana hman khawloh leh chutianga inthuruala dan bawhchhia a puhna thu ah ahnuaia mite hi thiam loh chan tir an ni ta a ni.

1. Ranga Mohan Chakma

S/o Kinachand Chakma

R/o Kamalanagar-II, Lawngtlai District, Mizoram

2. Sushil Kumar Chakma

S/o Krishna Mohan

R/o Kamalanagar-I, Lawngtlai District, Mizoram

3. Borcheg Image Chakma

S/o Sadam Kumar Chakma

R/o Kamalanagar-II, Lawngtlai District, Mizoram

4. Manabendra Chakma

S/o Krishna Chandra Chakma

R/o Kamalanagar-II, Lawngtlai District, Mizoram

5. David C. Darduna

S/o Ngunkiauva (L)

R/o Lower Chanmari, Lawngtlai, Mizoram

6. Ramesh Kanti Tongchangya

S/o Binanda Tong (L).

R/o Kamalanagar-III, Lawngtlai District, Mizoram

7. Subhash Chakma

S/o Gyanna Rattan Chakma

R/o Kamalanagar-II, Lawngtlai District, Mizoram

8. Kala Uda Tongchangya

S/o Sushil Mohan Tong

R/o Vaseitlang-I, Lawngtlai District, Mizoram

9. Ravi Chandra Chakma

S/o Sib Kumar Chakma

R/o Kamalanagar-II, Lawngtlai District, Mizoram

10. Vanlalkima

S/o Nanda Kumar

R/o Kamalanagar-II, Lawngtlai District, Mizoram

11. Patul Chakma

S/o Dharma Dhan Chakma

R/o Kukurduleya, Lawngtlai District, Mizoram

12. Gupa Rani Chakma

W/o Ratna Bahu Chakma

R/o Kamalanagar-II, Lawngtlai District, Mizoram

13. Sumati Jiban Chakma

S/o Drunacharjyo Chakma

R/o Kamalanagar-I, Lawngtlai District, Mizoram

14. Kripamoy Chakma

S/o Surojoy Chakma

R/o Kamalanagar-I, Lawngtlai District, Mizoram

15. Jatra Mohan Chakma

S/o Nalini Ranjan Chakma

R/o Borapansury-II, Lawngtlai District, Mizoram

16. Gunomoni Tong

S/o Bina Chandra Tong

R/o Mainabapsora, Lawngtlai District, Mizoram

17. Tamanna Chakma

S/o Sushil Kumar Chakma

R/o Kamalanagar-I, Lawngtlai District, Mizoram

18. Malina Chakma

W/o Sushil Kumar Chakma

R/o Kamalanagar-I, Lawngtlai District, Mizoram

19. Rakhi Chakma

D/o Pu Ranga Mohan Chakma

R/o Kamalanagar-II, Lawngtlai District, Mizoram

20. Jama Charan Chakma

S/o Kina Chand Chakma

R/o Tungosora, Lawngtlai District, Mizoram

21. Bimala Sen Tongchangya

S/o Pu Laichoka Tongchangya

R/o Kamalanagar-I, Lawngtlai District, Mizoram

22. Surat Mala Tongchangya

W/o Pu Hiramoni Tongchangya (L).

R/o Kamalanagar-I, Lawngtlai District, Mizoram

23. Thanmawii

W/o Zahminga (L)

R/o College Veng, Lawngtlai, Mizoram

Thiam loh chan tir (Convict) an nih avangin Bail a an lo chhuah lailawkna chu sut (Cancel) in lungin ah khung nghal tur an ni ang. Police ten an la man theih rih loh te Accused No. 11 Patul Chakma leh Accused No. 17 Tamanna Chakma te chungchang thu pawh hremna tur ngaihtuah (Sentence hearing) hun ah ngaihtuah tel tur a ni bawk.

Hemi thubuai kaihhnawiha pawisa man ₹ 9,25,500/- hi chhuh sak niin, sawrkar sum bawma chhun luh nghal tura thupek siam a ni bawk.