Sri Lanka president hlui, an rama amah duh lohna nasa tak lantir avanga July thlaa tlanchhe ta, Gotabaya Rajapaksa chu a haw leh ta.

Rajapaksa hi Thailand-ah temporary visa hmanga khawsain Singapore tlawh leh phawtin a haw a ni.

Sri Lankan minister eng emaw zatin thlawhna tumhmunah  an lo hmuak a ni.

Sri Lankan-te hian a sorkar kha an ramin eibar dinhmuna a hniam ber lai an tawn chhanah an puh a. Foreign currency an neih tlem em avangin ni tin mamawh, chaw leh tuialhtheiah an tam a ni.

April thla khan ei tur leh tuialhthei man sang chak lutuk duh lovin sorkar duh loh lantirna hi huaihawt tan a ni.

Rajapaksa leh a u, hetih laia prime minister, Mahinda te an bân theih nan hian mi sang tel thawk chhuakin muanawm takin an nawr a, prime minister hi May thla khan a bâng ta nghe nghe.

July khan mipui thinrimin a chenna in an luhchilh a, amah pawh sipai thlawhna hmangin an ram a tlanchhiatsan ta a. Maldives a pan phawt a, Singapore-ah a kal leh a, heta tang hian a banna pawh a thehlut a. Ranil Wickremesinghe chu president a ni zui ta a ni.