DOWNLOAD OUR APP

Read latest news on your phone
app-store

SSC jobs scam : Mamata-i'n a cabinet minister Partha Chatterjee a ban

Jul 28, 2022

West Bengal Chief Minister Mamata Banerjee chuan eiruk thubuaia inhnamhnawiha puh minister Partha Chatterjee chu a nihna atanga ban a nih thu vawiin khan a puang a, an party chuan na takin action an la zel dawn tih a sawi bawk. Partha Chatterjee hi School Service Commission (SSC) recruitment scam-ah inhnamhnawiha puh a ni a, cabinet minister atangin ban a ni ta a ni. 

West Bengal Chief Minister Mamata Banerjee chuan eiruk thubuaia inhnamhnawiha puh minister Partha Chatterjee chu a nihna atanga ban a nih thu vawiin khan a puang a, an party chuan na takin action an la zel dawn tih a sawi bawk. Partha Chatterjee hi School Service Commission (SSC) recruitment scam-ah inhnamhnawiha puh a ni a, cabinet minister atangin ban a ni ta a ni. 

Partha Chatterjee hi Trinamool Congress (TMC) a mipawimawh tak a ni a, secretary-general ni lai a ni. TMC kaihhruai sawrkarah pawh cabinet minister niin chanvo pawimawh tak tak - commerce & industry, parliamentary affairs, information technology and electronics bakah public enterprises & industrial reconstruction te a enkawl a ni. BVan a nih tak avang hian a hna chanpualte hi Mamata Banerjee hian hun eng emaw tichhung chu a enkawl zui dawn a ni. 

Partha Chatterjee hi Enforcement Directorate (ED) chuan an man tawh a, sum tihchingpen cheng vaibelchhe 50 vel leh rangkachak thahnem tak chu an hmulet tawh a ni. 

Chief Minister leh TMC leader ni bawk Mamata Banerjee chuan an party chuan hlemhletna reng reng na takin a do zel dawn tih a sawi a, Partha Chatterjee chungchang chu engtiang pawhin court-in rel se an pawm dawn tih a sawi bawk. Man a nih hma hian Partha Chatterjee hian Mamata hi phone-a biak a tum a, mahse Mamata hian a lo chhang duh lo a ni. 

Share now