ZALEN February 19, 2025: State Transport Authority (STA) chuan Two Wheeler Taxi zawng zawng chu rawng in ang leh colour sticker bel dan in ang vek hmang vek turin hriattirna a chhuah.

December 13, 2024-a State Transport Authority Meeting chuan Mizoram-a Two Wheeler Taxi te tan rawng in ang tlang (Uniform Colour) hman nise tiin a rel a. Two Wheeler Taxi rawng (colour) hman tur pawh a duang fel nghal a ni. Two Wheeler Taxi rawng tura duan hi a thar register tur zawng zawng te chuan an zawm nghal tur a ni a. Two Wheeler Taxi register tawh, tuna tlan mek te chuan he Notification chhuah atanga thla ruk chhungin an lirthei rawng an thlak fel hman tur a ni.