ZALEN Feb. 20, 2025; Vawiin, Mizoram State din champhaphak vawi 38-na chu Mizoram pumah ram tana a huho a tawngtai ‘State Day of Prayer’ hun atan hman a ni a, a hranpa a hmanna official function dang buatsaih a ni lo.

Hemi ni pual hian Mizoram hmun hrang hrangah pawl, party leh kohhran bik awm lo in ram tana tawngtaina hman a ni a. A hmanna pui ber Aizawl Sipai Lammual-ah chuan chawhma sar 11 atanga hman niin, ram tana tawngtaina turin mipui tam tak an kal khawm. Thupui awmsa ‘I ram lo thleng rawh se’ tih hmanga tawngtai rual a nih bakah kohhran hrang hrang atangin zaipawl sang chuang in hla an rem a ni.

He hunah hian ram hruaitu chief minister Lalduhoma, minister, MLA, sawrkar official te leh mipui thahnem tak an tel.

A huho a tawngtai hman bak, programme dang, State Day lawmna hranpa siam a awm lo nia hriat a ni.