September 30, 2023; MNF party chuan "State pachhia leh thawhchhuah nei tlem Mizoramah hian sum leh pai dinhmun ropui beisei tur a awm lo," an ti a, "Chutih rual a India ram state leiba nei tlem ber dawttu kan hi a ropui," an ti.

Vawiin a thuthar  thehdarhtute an kawmna ah MNF Media & Publicity GS. VL. Kross Hnehzova chuan, leiba chu percentage a rulh a nih ngai loh thu leh, leibat zat zawk chu a tahtawla rulh tur a nih thu a sawi.

"Reserve Bank of India (RBI) in January ni 16, 2023 a Annual Publication tihchhuah, 'State Finances : A study of Budgets' statement ah chuan India state ah Sikkim leh Mizoram ten leiba an nei tlem ber a, an leibat zat chu Rs. vbc. 9,655.7 leh Rs. vbc. 10,217.1 a ni," a ti bawk.

VL Krosshnehzova chuan, "Sawrkar sum bat hnem dan hahip a sawi a, phurrit lian tak nei anga sawi chamchi a, sawrkar rawn siam leh tute tan pawh a huphurhawm ang hial a sawitute hi chuan kan ram harsatna phurh chhuah an huphurh niin a lang," ti bawkin, "Chutiang taka huphurh chung chung sia sawrkar siam ve tuma tha thawp an chhuah lawisi hi a nuihzatthlak viau a ni, heti taka sawrkar ve an chak hian sum dinhmun chhiat lem loh zia a tarlang chiang viau a ni," a ti. 

MNF thusawi thenkhat te

* Kum 2019-20 atanga Mizoramin pawisa a dawn kim loh chu vbc 2632.58 a ni.

* State sum lak luh tihpun zel a tul bakah leh sum hmanral tihtlem nan leh FC 15-na duh danin January 21, 2022 khan Mizoram Resource Mobilization Committee (MRMC) din a ni a. He Committee hmalakna zarah sawrkar sum bawmah Rs vbc 35.74 a lut tawh.

* Economic Survey 2022-23 angin India sawrkar leiba Total Outstanding Liabilities chu vbc 1,23,04,993 (2020-21) a ni.