Liverpool legend Steven Gerrard chuan, Reds star player Sadio Mane chu Liverpool chhuahsan a duh chhan a zawt a, tun nipui transfer laia a chhuahsan thut thut duh chhan a zawh bakah a chhuak a nih vaih chuan a thil tihsual lian tak a nih tur thu a hrilh zui bawk.

'Champions League final zawhah ka awmdan tur ka sawi chiang ang' tiin media hmaah Senegalese star hian a lo sawi tawh a, final-ah an chak zo ta lo bawk nen Reds chhuahsan a duh thu a sawi. A thu tlukna hi a sawhsawn lo a nih chuan Mane hian thla thar khian Anfield chhuahsanin club dang a zawm mai tawh dawnin a lang. Reds start hian club chhuahsan a duh chhan hi chiang taka sawi awm lo mah se a chhuah duh chhan nia an sawi chu a career-ah chona thar hmachhawn a duh vang niin an tarlang.

He thu a hriat rual hian Liverpool hmangaihtu Villa boss Gerrard chuan zawhna zawt nghalin, Merseyside lamah season duhawm tak i hmang zo chiah a eng vanga Liverpool team hi chhuahsan duh mai nge i nih? tiin Mane hi a zawt a ni.

BT Sport hnenah Gerrard chuan, season tharah Mohamed Salah chuan Liverpool lamah a cham chhunzawm tur thu a tichiang tawh a, mahse Mane-a erawh hi chuan buaina chhete a la nei a nih a rin thu sawiin football sumdawnna khawvel-a inthlenna vel vanga buai lo turin a chah tel bawk.

Egyptian star Mo Salah pawh hi, a hun lo kal zel turah chuan Liverpool-a cham reng tur chuan a rin ngam bik loh chungin tunah chuan alo berah season tharah chuan Reds tan a khel dawn tih a tichiang tawh a. Duhthusam ni chiah lo mahse Salah thutlukna ang tal hian Mane hian thutlukna siam ve se Gerrard hian a duh a ni. 

Senegalese forward hian tun calender year chhung hian Africa Cup of Nations, FA Cup leh Carabao Cup te a chawi a, Premier League leh Champions League a chawi teuh hle bawk.