Aizawl: Health Minister Dr. R.Lalthangliana chuan, “MNF sawrkar thar chuan Sub-Centre te hi special takin kan kalpui dawn a, Health and Wellness-ah dah vekin a khaikhawmtu ber atan doctor hnuai deuh, doctor ang maia damdawi chawh thiam BSc Nurse-te thla 6 kan training-tir ang a. A building-te pawh a bika rawng hnawihin, thawktu leh khawlte pawh tih-changtlun vek kan tum a. Sawrkar kal ta nen chuan inthlau vet vet tak a ni,” a ti.

He thu hi nimin Sinlung Hills Council campaign a neih mekna Saiphai leh Saipumah te sawiin Dr. Thangtea chuan, “MNF leh HPC kan thawhhonaah hian kan in pumkhat tha hle a. Central-ah MP inthlan tum hnih kan hmachhawn tawh a, Congress chu nasa takin a tla zel a, tho leh tur hi tun dinhmunah chuan an awm ka ring tawh lo,” a ti a. “Serlui bial hi kuhva, balu leh thil dangah a hausa a, a panna kawngte pawh SEDP-in laih that vek kan tum a ni,” a ti.

Thusawitu dang Serlui bialtu MLA Lalrinsanga Ralte pawhin mipuite chu an candidate-te vote tura sawmin HPC nen an thawhhona a tha hle niin a sawi bawk.