DOWNLOAD OUR APP

Read latest news on your phone
app-store

SUMDAWNNA KAWNG A INCHIMRALNA

Jan 24, 2023

Aizawl khawpui chhungah hnamdang (vai) ten sumdawnna kawng hrang hrangah bu an khuar mek a, dan ang tak a sumdawnna kalpui an nih leh nih loh chungchangte dan hnuaiah khauh taka vil zui an nih loh chuan kan tapchhak zawl min luhchhuah mek niin a lang.

January 24, 2023; Aizawl khawpui chhungah hnamdang (vai) ten sumdawnna kawng hrang hrangah bu an khuar mek a, dan ang tak a sumdawnna kalpui an nih leh nih loh chungchangte dan hnuaiah khauh taka vil zui an nih loh chuan kan tapchhak zawl min luhchhuah mek niin a lang.  

ZALEN palaiin hmun engemawzah a fan kualna a a hmuh danin, Aizawl khawpui chhung-ah hnamdang ten sumdawnna hrang hrang an kalpui nasa hle tawh a, cement, rod, balu, kuhva sumdawnna etc. te mai bakah eichawp dawr leh restaurant changtlung tak tak te an din fer fur tawh niin a lang.

Hemi chungchangah hian Mizoram a sumdawng pawl lian ber Mizoram Merchant Association (MIMA) hruaitute chuan, dawr thar a piang Mizo in kan chang mumal tawh lo tih te mi hrang hrang hnen atangin report an dawng thin tih ZALEN an hrilh a, hmalak chhoh leh ngei an tum thu te, mahni (Mizo) hming hawhtir a, hnamdang thurualpui thin tute chu hemi kawngah hian a huatthla la berte zing a mi an ni tih an sawi.

ZALEN thudawnna Aizawl a sumdawnna kalpuitu pakhat chuan, lei leh hralh kawngah hnam rilru pu tura inzirtir uar kan ngai nasa hle tih sawiin, "Mizo pui ngei dawr zir ila, chu chu ram leh hnam tana kan tanrualna tur pawimawh tak a ni," a ti.

ZALEN palaiin a hmuh danin, Aizawl khawpui chhung a sumdawnna hrang hrang kalpui mektu hnamdangte hi dan hnuaiah dan ang taka sumdawnna kalpui an ni em tih khauh zawk a endik an tul takzet a. Mahni (Mizo) hming hawhtir a hlep lo nei te pawhin hnam rilru pu a, kan bansan ngam a ngai. 

Dan lo a hnamdang sumdawngte dan anga dapchhuah a, dan hnuaia hremna pe turin sawrkarin tun aia chak zawka ke a pen a ngai a, NGO hrang hrang Central YMA, MZP, MSU etc. te pawhin tun hma anga sawrkar tha tichak tura hmalakna an kalpui a tul takzet bawk.

Share now