Super Bowl LVII chu tukin khan State Farm Stadium, Glendale, Arizona-ah khelh a ni a, mipui hmuh chak halftime show-ah Rihanna a perform a, a che vel a hmuhnawm leh pek hle. Barbadian singer hian fa pahnihna tur a pai mek tih a pho lang a, raipuar chung pawhin a che bon rem rem hle. 

Rihanna hian a pasal A$AP lakah an fa pahnihna tur a pai leh mek a, a perform hma zawng hian a rai thu hi puanzar a ni lo. Zep reng thei ni hek lo le - perform tura a rawn dinchhuah chiah chuan sawi kher ngai loin a ruak lo tih a lang ta uar mai. Thla 9 kawlta mai khan an fa hmasa ber hmel an lo hmu tawh bawk. 

Rimawi huanga show ropui leh ngaihhlut ber pakhat Super Bowl Halftime Show-ah hian Rihanna hian a hla hit 12 zet a medley a, a hla ngainatute tan chuan hlu veng veng tak a ni. A inthuam dan leh perform zawng zawng a hmuhnawm vek a, chung zawng aia ngaihven hlawh ta erawh a rai thu a ni. A perform zawh hian a thupuangtu chuan a ruak lo tih hi a nemnghet zui bawk.