June 28, 2022; Mizoram Youth Commission (MYC) in June 24, 2022 a Super IAS 40 programme-a tel tur thlanna screening exam a buatsaih- ah, exam hmachhawn mi 282 zinga mi 80 te chu interview hmachhawn tura koh an ni a, June ni 29-30, 2022 chhungin interview an nei ang.

MYC meeting June ni 27, 2022 a neih chuan, Super IAS 40 programme hnuaia screening exam 24.6.2022 a neih result a tichhuak a, mi 80 tlingah puangin interview tur a koh an ni. Meeting chuan official te inbuatsaih dan thlirin ni 29-30 June, 2022 ah interview nei turin an ruahman a, full result chu July ni 1, 2022 ah puan a ni ang.

Interview chu MYC conference hall, MINECO, Khatla, Aizawl leh Delhi Centre a screening exam neite tan, Mizoram house, Chanakyapuri ah neih a ni dawn a ni. 

Super IAS 40 programme a tel tum, screening exam hmachhawnte hi Aizawl centre-ah mi 188, Lunglei centre-ah mi 44, Siaha centre-ah mi 19, Kolasib centre-ah mi 21 leh Delhi centre-ah mi 10, an vaiin mi 282 an ni.

Tarlan tawh angin, Super IAS 40 programme hnuaia full sponsorship hmu te chuan, 'Prelims exam vawi hnih an hmachhawn hma chuan central leh state hnuaia hna exam phalsak an ni dawn lo a. Bond sign tir vek an ni ang a, an awm danin a zir loh chuan sponsorship rulh let thlengin intiamtir an ni dawn a ni.

Vajiram & Ravi, Vision IAS leh ALS-te nen thawk ho in, coaching an kal chhung zawng Mizoram sawrkarin an zirna man senso zawng zawng leh an hostel fee te a tum sak vek dawn a ni.