ZALEN March 11, 2025; School Education minister Dr. Vanlalthlanan a printed price siamtha a, dik lo taka football supply tum an man chhuak tih house a hrilh.

Vawiin assembly budget session zawhna leh chhanna hunah member te zawhna leh zawh belhna chhanga he thu hi sawiin, school education minister chuan, sports equipment te an endik zel dawn tih a sawi a, football supply tu an endikna-ah, football pakhat printed price a Rs. 870 chu Rs. 1 thai belhin, Rs. 1,870 in a dah tih sawiin, chu chu Rs. 1,100 a supply a tum niin a sawi.

"He thil hi thil dik a nih loh avangin office ah kan ko a, na takin kan hau a, printed price ah a tla thla a ni," tiin a sawi. Education minister chuan sports equipment tha taka kalpui a ni tawh dawn tih sawiin, a tha thei ang ber school te pek tum an nih thu a sawi.