ZALEN June 26, 2025: Food, Civil Supplies and Consumer Affairs Department chuan Eirawngbawlna Gas chungchanga mipui hriattur pawimawh thuchhuah a a siam a, consumer hmuh lai ngeiin gas buk tlin leh tlin loh buk tur a ni an ti.

FCS&C chuan Office atanga Order chhuah thin tawh angin LPG Distributor-ten LPG filled cylinder an pekchhuah/sem dawnin Marketing Discipline Guidelines clause 1.4 (d & f)-in a phut ang 'gas bur tak awm buk dik tak chauh an phurchhuakin bukna dik thlap (correct weighing equipment) an keng tel ang a, customer hmuh lai ngeiin a dik leh dik loh an buk leh tur a ni' tih hi an zawm ngei tur a ni. 

Tin, Gas bur ruak rih zawng hi a burah hian a inziak vek a, Domestic LPG lak dawn chuan a bur rih zawng inziak leh 14.2 kgs (e.g.14.2+15 = 29.2 kgs) hi beih mai tur a ni. A'maherawhchu, Liquefied Petroleum Gas(Regulation of Supply and Distribution) Order 2000, clause 5-in a sawi angin a rih zawng tur dik tak aia 150 grams pel lova a zang emaw a rit zawk emaw anih chuan ngaihhnathiam tur a ni ang, an ti.

Tin, tunlai hian mi thenkhat, gas an book tih pawh hre lote hnenah Delivery Authentication Code (DAC) a thleng thin tih hriat a ni a, DAC hi gas dawn hunah chauh Gas Distributor-te hnehah pek tur a ni. DAC pek loh a delivery report dawn pawh hi phal a ni lo. Chuvangin, hei hi thil serious tak a ni a, an hriat lohvin tuten emaw an hmingin gas an lo book tihna a ni. Hei hian a nghawng chu kumkhat chhunga subsidy a gas an lak theih zat a ti tlem dawn a ni. Chuvangin hetiang thil tawkte chuan IndianOil ONE application-atangin complaint theih a ni a, FCS&CA Department-ah pawh a thlen theih a ni.