Aizawl: Suzuki India Private Limited chuan North East India a hmasaber atan Suzuki Motorcycle Big Bikes hralh chhuaktu ni turin LBS Suzuki, LBS Auto Division a thlang a, nimin khan Suzuki India Managing Director Koichiro Hirao leh Vice President Devashish Handa chuan Autorised Dealership an hawng.

LBS Suzuki hi Suzuki India hnuaia distributor hrang hrang zingah Eastern India huam chhunga atangin two-wheeler hralh tha ber a nih bakah, India ram puma hralh tam parukna a ni a. Tun thla thum (August - October, 2019) chhungin chawhrualin thla tin unit 785 hralh ziah ang a ni a, servicing leh peng hrang hrangah hotute mittlung takin thil a kalpui a ni.

Suzuki India hnuaia dealership zingah an huam chhunga hralh chhuak tha ber niin, anmahni huam chhung theuhah LBS Suzuki hian company hrang hrangin two-wheeler an hralh atangin 48%-50% a hralh phak a, a tihthat avangin India hmar chhak huam chhunga Suzuki Motorcycle Big Bike distributor ni tura thlan a ni.

Anni hian tun hma lama an la hralh ngai loh bike lian chi, chi riat zet an zawrh belh dawn a ni.