Aizawl May 31, 2022 : LBS Suzuki chuan khawthlir thar neiin adventure bik thar Suzuki V-Strom SX 250 chu vawiin khan Millennium Center kawt, Dawrpui, Aizawl-ah an tlangzarh.

Kawng chhiaa hman tlak, thui tak nuam taka inphur chung pawha tlan thei tura duan V-Strom SX adventure bike hi Aizawla tlangzarh a nih rualin mi pahnih hnenah an hralh chhuak nghal a ni.

Khuh hawngtu Info Bikes hotupa Vanlalmuana chuan, "Kum ruk kal ta atang khan khawvel pumah bike bazar a inher danglam a, sports bike hralh tlahniamin adventure bike an lei nasa hle a ni," a ti.

Suzuki V-Strom SX 250 hi Suzuki bike dang, SX 250 leh Gixxer naked 250 engine hmang ve tho mah se, adventure atan tha leh rin tlak tura duan a ni.

LBS Suzuki chuan Mizo thalaiten sports bike la lawm hle mah se, bike hmanga zin leh kawngpuiin a pawh lohna hmun hrang hrang tlawh an intihhmuh chhoh zel a, chuvangin an hlawhtlinpui theih an inbeisei tih an sawi.

Mizoramah Rs 2,34,491-a hralh chhuah a ni a, lei hmasa pahnih zinga mi MSA chuan : "V-Strom SX hi rei tak ka nghak tawh a, thui tak tlan pawha hahdam taka khalh theih ka duh vangin ka thlang a ni," a ti.

V-STROM SX 250

A man (Mizoram) on-road : Rs 2,34,491 
Engine type : 4-stroke, single-cylinder, oil-cooled, SOHC
Valve system : 4 valve
Maximum power : 26.5ps@9300rpm
Maximum torque : 22.2Nm@7300rpm
Fuel system : Fuel injection
Transmission (gear) : 6-speed, MT
Overall length : 2180 mm
Overall width : 880 mm
Overall height : 1355 mm
Wheelbase : 1440 mm
Fuel tank : 12 L
Front brake : disc single
Rear brake : disc
Front tyre : 100/90-19M/C 57S, tubeless
Rear tyre : 140/70-17M/C 66S, tubeless
Headlight & tail light : LED