Aizawl: Aizawl North - I bialtu MLA Pu Vanlalhlana chuan, “Symbol thlak awmchhun chu MNF Party chiah hi an ni. ZPM hian symbol a la nei ngai lo. MNF hruaitu thenkhatin ZPM chu symbol thlak thin, symbol mumal pawh nei lo nia an sawi thin chu thil an hriat chian loh vang mai mai a ni,” a ti.
Zirtawpni kaltaa AMC Ward-I huamchhung Selesih-ah AMC inthlan lo awm tur atana Campaign beihpui thlak dan tur ruahmanaah he thu hi sawiin Aizawl North - I bialtu MLA Pu Vanlalhlana chuan, “Symbol thlak awmchhun chu MNF Party chiah hi an ni. ZPM hian symbol a la nei ngai lo. MNF hruaitu thenkhatin ZPM chu symbol thlak thin, symbol mumal pawh nei lo nia an sawi thin chu thil an hriat chian loh vang mai mai a ni,” a ti.

"MNF hian dawt an sawi dawn apiangin Assam Rifle an sawi thin a. An sawrkar tirhin Chapchar Kut hmanna hmun Sipai Lammual chu Chapchar Kut hman leh hunah chuan kan ta a ni tawh ang, an ti a.Kum 2019 khan Assembly House-ah private resolution pu lutin, 'Pu Zoramthanga CM laia Assam Rifles an chhuak hi lawmawm kan ti,' tiin Assam Rifles chhuah hma hauhin resolution min pass-pui lui a, tun thlengin an la chhuak lem hlei lova. Hmanni lawkah Chief Minister-in, Febuary thla chhunga an chhuah tur thu a sawi leh a, mipui ten i lo thlir leh phawt mai ang u,” a ti bawk.