Aizawl: Synod Executive Committee chuan zanin dar 7 hian kohhran chhungkaw tin te tawngtairualna hun hmang turin an ngen.

SEC (Emergency meeting) Zirtawpni a neih chuan zanin dar 7 hian Covid 19 hrileng a lo reh theih nan te, Covid damlo leh thi chhungte tan bakah damdawiin a thawk, task force leh sawrkar hotute tan tawngtaina neih an rel a. Meeting chuan April Pathianni tawp bera neih thin Bial Inkhawmpui chu lockdown chhunzawm zel a nih loh chuan June 26-28,2020 chhunga neih turin a rel a. Pathian biak inkhawm neih leh neih loh chungchangah sawrkar hmalakna ngaihchang turin an hriattir a. Pathian ram thawhlawm chu a pangngaia lakkhawm zel turin an rel bawk.