Aizawl July 23, 2024 : Art & Culture Minister C.Lalsawivunga chuan nimin khan Aizawl Press Club-ah 'T.Lalnunzama Hlate' tih lehkhabu a tlangzarh.

C.Lalsawivunga chuan, "Mizote hi zai mi kan ni a, zaia in awmtlei thin hnam kan niin hetianga hla tha a bu ngeia tih chhuaha a awm hi a lawmawm hle a ni," a ti a. T.Lalnunzama lehkhabu chu Mizo hnam tana ro tling, kan hnam nunzia, culture te a awm kim hle tih sawiin hla phuahtute leh thu ziaktute chu ram tan an hlu hle tih a sawi bawk.

Lehkhabu tlangzarh inkhawm hi C.Lalremliana, Chairman Mizoram KVI Board in a kaihruai a, Lalhmachhuana Zofa in lehkhabu thlirlawkna hun a hmang a, Mizoram Song Composer Society atangin thusawi ngaihthlak a ni bawk.