ZALEN March 28, 2025; Nimin ni 27.3.2025 tlai lama Mamit district jail aṭanga tlan chhuak mi pahnih chu man leh ve ve an ni tawh.

Mamit Times in a tarlan danin, Mamit district jail aṭanga tlan chhuak zinga pakhat Alex R. Vanlalhruaia chu ngawrh taka zawn chhunzawm reng a ni a, vawiin ni 28.3.2025 chawhma lam hian Mamit field veng aṭangin Mamit police ten an man leh ta a ni. Medical checkup neih niin Mamit P/S ah lak a ni.

Tarlan tawh angin, Jail aṭanga tlan chhuak pakhat zawk Malsawmlawmpuia chu nizan zanlai pelh khan man leh a lo ni tawh a ni.

Heng mi pahnih, Mamit District Jail aṭanga tlan chhuakte hian nimin tlai dar 3 bawr leh tukin khawvar hma inkarah In rawkin bike pahnih an ru chhuak leh hman a ni.