April 23, 2023; Lunglei district Jail atanga tang tlanchhuak mi panga zinga pahnihte man an nih hnu-ah midang pathum man an la ni lo a. Man an nih theihna turin police in mipuite puihna an ngen.

Police thuchhuah tarlan danin, VCP Mausen atanga thudawn bawhzuiin, 19.4.2023 a Lunglei District Jail atanga Myanmar lam mi tang tlanchhuak panga zinga pahnih - Lalbawihliana (27) s/o Hrangkapsanga, Zokhawthar leh Dokapthang(26) s/o Tindolian, Zokhawthar te chu Mausen, Lunglei District khaw bula hotel pakhat atanga man an ni. 

Tang tlanchhuak dang pathum - 1). Lalchawimawia (24) s/o Piangthiauva, Thangte Village, Lunglei District, 2). Haudeihchhin (25) s/o Tualneihthang, Tlangnuam, Champhai District leh 3). Vanneihthanga (38) s/o Hrangtawna, Leisen, Myanmar te chu la man loh niin an la tlan chhe mek a, an vai hian myanmar lam chhuak niin, an mahni man theihna tur atana Police ṭanpui thei, an mahni hmu emaw, thil pawimawh emaw hriat nei chuan Police Station hnai berah leh Police Officer te hnenah hriattir vat turin kan inngen a, hriattirtute chu an nihna thup tlat a ni ang.