ZALEN June 23, 2025; Tanhril veng mibo H Zaṭhuama (78) chu vawiin atangin Central YMA ruahmanna hnuaiah zawn a ni dawn.

H Zaṭhuama, Suakpuilala Section, Tanhril Branch YMA hi kar kalta thawhlehni (June ni 17) zing dar 5 a MZU lama a chhuak chu tun thlengin ala haw lo a. A chhuah lai hian lukhum dum a khum a, kawr ban tlawn hain ipte pui a ak a, tiang a hawl bawk.

Tanhril Veng mipui leh, veng thenawm YMA branch ten an zawng a, hmuh a la nih loh avangin vawiin atangin Central YMA ruahmanna hnuaiah mibo zawn hi kalpui a ni dawn a, vawiin hian branch 52 thawk chhuak turin tih an ni a, hmuh ala nih loh chuan naktukah branch 52 atangin mibo zawn hi chhunzawm leh a ni ang. 

Mibo zawnna a thawk chhuak turte hi chawhma dar 10-ah MZU Gate bulah innghahkhawm tur a ni.

#ZalenNews