May 18, 2023; Vawiin chawhma lam khan Sekhum atanga km 2 bawr velah tanker a chesual a, a khalhtu Laltanpuia, Tawipui North a boral.

ZALEN thudawn danin, tanker hian Sekhum atanga km 2 bawr vel-ah kawng chhak a su pial a, tanker hi letin, chu chuan a khalhtu Laltanpuia zuang thla chu a lu ah a delh a, ka chhawnlo in a boral nghal a ni.

Tanker a chuang ve dang pakhat erawhin hliam na lutuk a tuar lo a, khaw chheh vel atanga mi tlawmngai kalkhawm ten ruang hi la chhuakin, tanker hi a ruak a nih avangin harsa lutuk lo in an la chhuak thei a ni.

Sekhum YMA te chuan ruang hi tuamin, kuang te siamsak a thlahna hun hman a nih hnu-ah an khua Tawipui North -I panpui a ni a, vanduaina tawk a boral Laltanpuia hi nupui nei tawh niin, fa pahnih nei a ni.