October 19, 2022; Aizawl Municipal Corporation (AMC) area chhungah property tax tihsan a nih hnuin chhiah khawn mek a ni a, chhiah tihsanna hi Annual Property value atanga 0.42% a ni.

ZALEN thudawn danin, Property tax hi 'The Mizoram Municipalities (property tax) management Rules, 2014' hmanga khawn a ni a, kum 2015-16 atangin khawn a ni.

AMC huam chhungah property tax 3% lak thin a ni a, kumin 2022-23 atangin 3.42% ah tihsan niin, a sanna chu 0.42% a ni. Hetiang a chhiah lak tihsan a nih nachhan hi 15th finance Commission in tisang tura rawtna a siam anga centralin a rawn phut vang a ni.

Hetihlai hian AMC chuan kum 7 chhung, 2015-16 atanga 2021-22 chhungin property tax atangin cheng nuai 1839.42 a hmu tawh a. Kum liam ta 2021-22 a hmuh chu Rs. Nuai 321.71 a tling a, kumin a hmuh beisei zat (target) chu Rs. Nuai 400 a ni.