Aizawl August 9, 2022 : Vawiin khan Mizoram Taxi Association chuan General Assembly neiin Mizoram sawrkar hian Taxi te chu replace phalsak turin ngen ni se an ti a, kar khata ni hnih din chu tha an la ti tawk thung.

Mizoram sawrkarin Taxi hi tum khat bak permit hi renew a phal lo a, kum 10 a tlin hnuah Taxi chu lirthei thar hmangin tum khat a renew theih a, kum 15 dang a service leh anih chuan a Taxi permit chu a tawp tihna a ni, mahse, sawrkar chuan ngaihhnathiamna siam lehin Taxi chu a that chhung service a phalsak a, mahse, replacement ti tawh te chu motor thar hmangin an Taxi permit kha renew theih a ni tawh lo a ni. Taxi hlui tawh te hi replace leh a nih theih nan MTA chuan sawrkar ngen ni se an ti.

Taxi karkhata ni hnih din thin chu nikhat ding tur a hma lak ni rawn se ti a rawtna lut chu, tuna an tlan dan karkhat a nihnih din chu la tha tawkah ngaiin sawrkarah rawtna thar siam an tum lo.

Mizoram Taxi Association hruaitu te chu AMC Area chhunga Taxi Stand awm te kumkhat ah vawikhat tal an harsatna te hria leh enpuia tlawhchhuak thin ni se tih an rel bawk. 

MTA Annual fee Rs 10 ni mek chu Rs 20 ah tihsan an rawt bawk a ni.