ZALEN June 26, 2024; Mizoram Taxi Assn. (MTA) leh MTA, Lengpui branch ten taxi te zawm tlan tur ruahmanna an siam...

Nimin (25.6.24) khan joint meeting an nei a, e meeting ah hian Lengpui Airport a Taxi leh Taxi te inkarah inhriatthiam loh na awm thin chu ngun tak a sawi ho a nih hnu in Taxi ten kan zawm tlan theuh turin tiang hian ruahmanna siam a ni :-

1. Lengpui Airport prepaid Counter paltlang tawh Passenger te, Aizawl Taxi ten an lo tawng fuh a nih chuan, Lengpui Taxi ten an lak sak tur a ni lo.

2. Aizawl Taxi Lengpui a passenger thlah ten Airport-ah passenger chang a din phal a ni. Passenger zawng a Airport Area hung chhungah vahkual phal a ni lo.

3. Lengpui Taxi ten passenger an biak beidawn tawh te chu Aizawl Taxi ten an biak phal a ni.

4. Aizawl a Lengpui Taxi passenger drop ten, laklawh thilah din zawk na tur an mamawh chuan, MTA hnuai a in affiliate Taxi Stand te chuan Stand-ah dinna remchang lo siamsak thin tur a ni.

5. Lengpui Taxi ten Aizawl chhungah Passenger an zawn leh lak phal a ni lo.

6. Aizawl a tanga Lengpui Airport kal ten harsatna kan tawk a nih chuan Lengpui Branch MTA hruaitu te hriattir thin tur a ni.