American singer Taylor Swift chuan a bialpa hlun Joe Alwyn nen an inthen hnuah tawih thar a nei leh dawn hnai niin a lang a, Matty Healy nen sawi zawm an ni leh mek! Matty Healy hian Taylor Swift hi 'Eras' tour a neih mekah a tawiawm a ni awm a, an inkar boruak a rawn darh chho leh ta a ni. 

English singer Matty Healy leh Taylor Swift te hi thian tha tak an ni sa a, an inhriatna pawh a rei tawh viau. Swift hian mipa hrang hrang a kawp hnem viau tawh a, han vawn ngheh deuh chat tur ber erawh a la tawng lo a ni mahna. 

Joe Alwyn nen khan kum ruk vel zet an inzui hman a, innei mai turah mi tam tak chuan an ngai hman. Amaherawhchu, Swift hian a zia a chhuah leh ta nge ni, tun hnai mai khan an inthen leh ta a ni.    

Kum 33 mi Taylor Swift leh Matty Healy (34) te sawizawm chungchang hian media titi a luah hneh nghal hle a, internet lamah pawh an chanchin hi an zawng nghal huai huai a ni ber. 

'The 1975' band frontman Matty Healy chauh hi Taylor Swift nena sawi zawm a ni lo tih erawh hriat a tha, kar hmasa lam khan chuan F1 driver Fernando Alonso nen pawh sawi zawm an nih kha. Hei mai hi a la ni lo Swift hi Bollywood star Salman Khan leh Hrithik Roshan te nen pawh sawi zawm a ni, hei erawh khual thuthang mai a nih a rinawm. 

Engpawh chu nise Taylor Swift hi nula hleitling leh hmeltha tak, sum ngah bawk si a ni a, kawppui tur chu a haichhamin a rinawm lo. Matty Healy hian a concert a telpui a nih chuan an inkar hi a rawn fel chho mai turah ngai ang.