Mizo film chhuak thar tur Thaibawih 'Hmeichhe lu chu mipa' chu zawh fel a ni ta a, August 11, 2023 zanah tlangzarh a ni ang. Lersia Play App lamah en theihin a awm dawn a, premiere zanah a duh tan a hmunah en theih a ni bawk ang. 

Francis & Ruthi Chenkual
Thaibawih film-ah hian zaithiam Francis Lallawmkima chu a vawi khat nan a inlan a, 'Thinlung Khawngaihthlak' singer hian role pawimawh tak a play. Zai lamah chuan hnu hma nei tha viau mah se film industry-ah chuan mi thar a ni a, a vawi khat channa tak hi en tichakawmtu a ni. 

Francis-a chanpui hi Ruthi Chenkual a ni a, ani hi chu tunge a nih sawi nawn a ngai tawh lo - a talent neih that zia kan lo hmu fo tawh. Ruthi hi tun lai film star lar berte zinga mi a ni a, ngaihven pawh a hlawh hle. Mipate star rawn a ni a, Thaibawih film en tichakawm zualtu zinga mi a ni leh dawn. 

Zote Entertainment
Thaibawih film hi Zote Entertainment produced a ni leh dawn a, a entlak leh viau tura beisei a ni. An kut chhuak zingah - Nutei Thingpui Dawr, Ka U Liana leh Amawii te chu tun hnaia Mizo film hit ber berte an ni a, an lakah beisei a sang lo thei lo. 

An director hi Mike-a a ni a, tawn hriat a nei tha tawh hle. An member dang Aruata leh Aaron Malsawmdawngzuala te pawh sulhnu nei tha berte zinga mi an ni a, hmasawn zel an tum tih hai rual a ni lo. 

Thaibawih film hi official trailer tihchhuah tawh a ni a, August 11 zanah a duh a piang en theih tura chhawpchuah a ni dawn e.