ZALEN May 28, 2025; Tukin dar 2 leh dar 3 inkar velah khan, Phuldungsei, Thaidawr tlang panna bul a Tripura sawrkarin Forest Guest House an sak mek chu tu tih hriat loh ten an bomb a, a chhe nasa hle.

Phuldungsei branch YMA hruaitute hnen atanga ZALEN thudawn danin, bomb puak hi gelatin nia rin a ni a, he thu ziahlai thleng hian a tipuaktu hriat a la ni lo. Bomb puahna hmun hi Tripura police leh forest lam pawhin a hmunah an enfiah tawh.

Thudawnna in a sawi danin, Tripura lamin Forest Guest House an sak hi nikum 2024 lama lo sak tawh niin, tun dinhmunah an chawlhsan lai a ni. Helai hmun hi Mizoram chhung niin, Tripura sawrkarin Forest Guest House an sak hi Mizoram pawl hrang hrangin an ngaimawh hle a, a hmunah pawh an lo tlawh fo tawh thin a ni.