The Week that Was on August 22, 2021

Admin - Aug 21, 2021

The Week that Was on August 22, 2021

Hmanrua hlan
Covid-19 hri vei te enkawlna tur hmanrua hrang hrang state leh ram pawn atanga tanpuina hmuhte August 19, 2021 khan Chief Minister Zoramthanga hnenah Blockchain Charity Foundation, USA; BCCI, India leh Taipei Economic & Cultural Center, New Delhi chuan an hlan. Tanpuina dawn te chu
a) Ventilator – 10 Nos b) Oxygen Concentrator – 100 Nos c) KN 95 Masks – 9,600 Nos d) Surgical Mask – 50,000 Nos

Electric bill
Power & Electric Department Minister  R.Lalzirliana hovin Ninagni khan pawl hrang hrang te chuan SAW Conference Hall, MINECO-ah electric bill chungchang an sawiho.

MLA hmun ruak
August 18, 2021 khan H. Lalrinawma, Commissioner & Secretary, Mizoram Legislative Assembly Secretariat chuan 4-Tuirial Assembly Constituency (ST) atanga thlan tlin Pu Andrew H. Thangliana, MLA chu a boral avangin 4-Tuirial Assembly Constituency (ST) chu MLA luahtu awm lovin a ruak a ni tih a puang.

SPORTS COUNCIL 
August 18, 2021 khan Sports Minister Robert Romawia Royte, Mizoram State Sports Council President ni bawk, hovin Aijal Club-ah Mizoram State Sports Council ten General Body meeting an nei a. Olympian Lalremsiami lo hmuah dan tur leh thil dang te an rel.

SEPTEMBER NI 3-ah teachers day
School Education Secretary Dr. Lalzirmawia Chhangte, IAS  hovin Teachers’ Day lo thleng tur pualin August 18, 2021 khan SAW Conference Hall, MINECO-ah State Level Working Committee neih a ni a, kumin Teachers' Day September ni 5 chu Pathianni anih avangin, September ni 3, 2021 (Zirtawpni)-ah hman an rem ti.

CM leh PWD, NHIDCL
Chief Minister Zoramthanga leh PWD hotute leh NHIDCL hotute August 18, 2021 khan CM office Cabinet meeting room-ah Aizawl khawpui leh a chhehvela kawng siam hmalakna thar chungchang sawiin an thukhawm.

HUIVA APPS
August 18, 2021khan ICT minister Robert Romawia Royte chuan mipui ten awlsam taka mobile phone hmanga Two Wheeler Taxi an koh theihna tura ATTA buatsaih, HUIVA mobile application chu Aizawl Press Club ah a tlangzarh.

CM leh M’laya SPBC
 August 18, 2021 khan CM Zoramthanga, State Planning Board Chairman ni bawk chu Meghalaya State Planning Board Chairman Lambor Malngiang, (MLA/MDC) chuan a pisa ah hmu in inkawmna hun an nei.

Arsa man
Aizawl, 18th August, 2021 : Dr. Lalhriatzuali Ralte, IAS, District Magistrate, Aizawl District chuan Aizawl Municipal Corporation huamchhunga arsa man a bithliah thar. August 18, 2021atanga thu leh awm hma chu hman tur a ni : 1. Arsa (puah loh) - Rs. 210/- per kg, 2. Ar puah sa - Rs. 320/- per kg a ni ang.

SUNNA
Tuirial Assembly Constituency bialtu MLA Andrew H. Thangliana, Ni 17.8.2021 a thih chungchangah Mizoram Legislative Assembly chuan thuchhuah an siam a, Mizoram Sorkar leh Mizoram Legislative Assembly chuan Andrew H. Thangliana, MLA in August ni 17, 2021 a boral chu an ui thu an tarlang.

Partial lockdown 
August 16, 2021 khan SAD Conference Hall, MINECO ah August ni 21, 2021 zanlai thlenga AMC huamchhunga partial lockdown leh Mizoram chhung hmun danga inkhuahkhirhna kalpui dan thlirho a ni a. 

Planning board hotu inkawm
August 18, 2021khan ni khat cham tura Aizawl lo zin, Meghalaya State Planning Board Chairman Lambor Malngiang leh Mizoram State Planning Board Vice Chairman H. Rammawi te chu H. Rammawi office ah an inkawm a, state pahnihte thawh dunna tur chungchang te an sawi dun a ni.

Share now