July 24, 2024; Mizo cement mistiri awm ve bawk mah se, rate sang takin hnamdang cement mistiri ten hmun hrang hrangah hna an ngah thin hle a, ṭheka in hmun hrang hrangah an kual mek.

Mizoram hmun hrang hrangah cement mistiri tan thawhsen loh hna a awm niin a lang. Hei hi hmasawnna in a ken tel a ni. Mizo zingah cement mistiri engemawzah awm ve bawk mahse, hnamdang (vai) mistiri mamawhna a sang a, daily rate a thawk duh la tam tho mahse, ṭheka a thawk a, contractor tenau ang mai a hnathawk hnamdang mistiri Mizoramah an tam niin a lang.

ZALEN in hemi chungchang ngaihven a cement mistiri (head mistiri) thenkhat a biakte chuan, tun dinhmun-ah ṭheka a hna an lakin, sq. feet ah Rs. 150 hisap in an thawk tlangpui tih an sawi a, hmun 3/4 ah a rual a ṭheka changte pawh an nei niin an sawi.

Hnamdang ten ṭheka a hna an lak thin chungchangah hian Mizorama NGO thenkhatte pawhin hmalakna an lo kalpui tawh thin a, rate an siam bakah, ṭhekha a hna pe lo tura ngenna te pawh thuchhuah an lo siam tawh thin.

Hetihlai hian tun hma te ngaihtuah chuan Mizoten cement mistiri kan luh chilh thuk zel tih ZALEN thudawnna pakhat chuan a sawi.