May 9, 2024; Thenzawl Joint VC leh Joint YMA te ruahmanna angin Tv. Lalrinhlua (28), Thenzawl chu zawn mek zel a ni.

Kar kalta Zirtawpni (May ni 3, 2024) atanga chin hriat loha awm Tv. Lalrinhlua (28), Thenzawl Hermon veng chu vawiin thlenga hmuh a la nih loh avangin zawn mek zel a ni a. Lalrinhlua hi Pathianni chawhnu dar 2 vel khan Sailam ram, Lau phaia Thlam pakhatah hmuh a ni a, chaw te an lo eitira a, a hmutute hian mibo tih an an hriat loh avangin chaw a ei zawh hnuah a kalsawn leh a. Heta tang hian hmuh zui a ni tawh lo.

Thenzawl Joint VC leh Joint YMA te ruahmanna angin Tv. Lalrinhlua hi Thenzawl khawtlangin Thawhtanni atang khan an zawng a, vawiin hi khawtlang huapa bo zawnga an thawhchhuah ni 4-na a ni.

Rilru lama tlema mi pangngai phak lo a ni a, a bo lai hian T Shirt hring banbul leh Kekawr dum hain, chapal - crocks a bun. Amah hi lirthei te pawh phar a, chuang ve mai thei anih avangin Zoram hmun hrang hranga mi te lo ngaihvenpui turin Thenzawl khawtlang hruaitute chuan an ngen.