Aizawl June 15, 2023 : Vawiin khan Luangmual Branch YMA chuan Luangmual YMA Hall-ah, YMA Day an hmang a. Hun hmanpuitu khuallian bialtu MLA Zothantluanga chuan hmel inhmu kher lo a midang nen inbiak theih tawhna chuan aia upa zahna a tlakhniam phah nia a hriat thu a sawi.

Aizawl West I bialtu MLA chuan, "Tunlai thiamna leh changkanna sang zelah, aia upate zahna a tlahniam ta hle a. Mahni tapchhak zawl atangin mahni duhna lam lam kan hawi thei tawh a. Awmhmun atangin duh duh sawiin, duh duh kan be thei tawh a. Hmel inhmu kherloa midang kan biak theih avang hian, aia upa zahna kan tlakchham phah niin a lang a. Tawngkam mawi leh hawihhawm hman kan ching peih ta mang lo a. Kan Zonun zemawi pawh zawi zawiin kan kalsan zel tawh. Zonun zemawi ti vul leh turin theihtawp i chhuah thar leh ang u, a ti. 

Valtea chuan, "Sawrkar tha kan neih avangin kan bial chhungah hmasawnna tam tak kan hmu a. Hmasawnna hi kan la hmu zel dawn bawk a ni. Heng hmasawnna kan hmuhte avang hian lawm nachang i hria ang u, " a ti.  

Zothantluanga hian MLA fund hmanga sak, Luangmual Branch YMA, M section property house sak thar a hawng a. MLA fund hmang veka lei, ambulance thar Luangmual Branch YMA a pek chu khuhhawnna leh hlanna hun a hmang bawk.