Aizawl: Rural Development Minister Lalruatkima chuan thingtlang miten chenna in an neih vek theih nan Mizoramah in 3,829 sak zawh tawh a ni tih Union Minister a hrilh.

Zirtawpni kaltaa Video Conferencing hmanga Union Rural Development Minister Narendra Singh Tomar hoa State hrang hrang Rural Development Minister ten ‘Awas Diwas’ an hmanna ah RD Minister chuan he thu hi a sawi a, in sak zawh tura bituk an siam atangin 3,829 zawh tawh a ni a, in 9,767 sak mek a ni, a ti. Lalruatkima chuan a nih dan ang taka in saksak tur chhungkua 13,596 an awm a, heng zinga 10,349 chu ziah luh fel tawh an nih thu sawiin, chhungkaw 7,239-in sum an hmu tawh a, sum pek ngai 6,357 an la awm tih a sawi.

Video conferencing-a tarlan danin RD Ministry-in an ruahman hun chhung ngeia PWL te sanction tih fel chu Department in a bawhzui mek a, target bituk atangin chenna in 3829 te sak zawh a nih thu leh chenna in 9767 chu sak mek a ni a, dilna hnawl tawh te endik leh hna re-verification te pawh thawh leh mek a ni a; PMAY-G hlawhtling taka zawh a nih thei nan chak takin hma lak mek a ni.