September 3, 2023; Zirtawpni zing dar 7:15 khan Hmangaihthanga (37) chu pumna avangin Kolasib-ah a boral a, a ruang hi a unaupa Lalbiakchhunga, Lengpui khua chuan la in Zirtawpni khan vuiliam a ni.

Kolasib Aw in a tarlan danin, Hmangaihthanga hi rilru lama harsatna nei niin TNT Home, Champhai-ah dahluh a ni a, heta ṭang hian May thla khan tlanchhuak lehin awmna bulfuk a neih loh hnuah Kolasib Diakkawn Shopping Centre bul velah zan 3 emaw vel lai a riah tawh thu, Auto Rickshaw driver ṭhenkhat chuan Diakkawn YMA hruaitute an hrilh a, Diakkawn YMA chuan umzui nghalin an la a, June 1, 2023 ah TNT, Khuangpuilamah Diakkawn YMA te chuan an dahlut veleh a ni.

Thawhtanni khan thirfian leh cutter horse blade a lo dawlh a, thirfian hi luakchhuak leh thung. A pumna avang hian Ningani zan khan District Hospital Casualty panpui a ni a, damdawiin khum a indaih loh avangin Nazareth Nursing Home, Tumpui ah sawn a ni.

Damdawiin ah pawh Diakkawn YMA hruaitute chuan an ngaihven zui zel a, damdawiin lama senso zawng zawng pawh an tum sak nghal a, a boral hnuah kuanga dahin an thlahliam zui leh a ni.