Aizawl: Civil hospital blood bank chuan tun dinhmunah thisen ah harsatna an nei hrih lo.

Zalen palaiin blood bank officer Dr. K.Rothangpuia a biakna ah thisen var tih loh ah chuan an indaih hrih niin a sawi a. "Thisen var hi a tharlam a ngaih bakah ni 5 chhung chauh a dam a, lo lak lawk vak theih pawh a ni lo a. A mamawh an awm huna tih chawp deuh tha kan tih avangin thisen petu lam te pawh a hunah ko mai ila tiin ruahmanna kan siam a ni," a ti.

Dr. K.Rothangpuia chuan tunlaiin damlo an tlem avangin thisen mamawh pawh a tlem niin a sawi a. A huhoa thisen pek chu tunlai boruak ah social distancing a pawimawh avangin pek tum tam tak pawh hun remchanga pe mai turin an lo hrilh niin a sawi. Civil hospital Aizawl blood bank atang hian private damdawiin te pawhin thisen in an la veleh chhawng a ni.