Aizawl: Nimin khan Mizoram Gorkha Youth Association (Central) thalai ten chuan an pawl din hriat reng nan Aizawl Civil Hospital a hman atan thisen unit 61 an pe a, thisen petu hi mipa 58 leh hmeichhia 3 an ni. Aizawl Civil Hospital Blood Bank thawktute hian he ni puala Blood Donation Camp Govt Gorkha Middle School Khatla a buatsaih ah kalin thisen hi an la a ni.

MGYA Central hi August ni 18, 1976 a din niin tunah hian Mizoram pumah member 4500 bawr neiin Branch 17 an nei a ni. An pawl din champhaphak a hun a remchan loh avangin nimin khan Blood Donation Camp hi an buatsaih ta a ni.

Nimin vek khan Chawlhhmun Branch YMA ten an rising day 38 pualin Synod hospital tan thisen unit 43 an pe a, thisen petute hi mipa 42 leh hmeichhia 1 an ni. Lairam Isua Krista Baptist Kohhran Thalai Pawl, College Veng Pastor Bial ten Lawngtlai damdawiin tan thisen unit 33 an pe a, thisen petu te hi mipa 22 leh meichhia 11 an ni. Keitum Pastor Bial KTP pawhin nimin khan Serchhip Blood Bank-a dah turin thisen unit 29 an pe a, thisen petu te hi mipa 23 leh hmeichhia 6 an ni.