September 28, 2023; Mizoram a thisen pe hnem ber ni mek, C. Lalremruata (42), Electric Veng, Aizawl chuan a thil tih chu Pathian vang chauh a tithei a ni tih a sawi.

ZALEN in a biakna ah C. Lalremruata chuan a piancham kumin August ni 23 a a pek nen, thisen unit 88 a pe tling tawh tih a sawi. "Ka hriselna Pathianin min ven sak ang a, ka tum dan chuan century pek tlin ngei ka tum," a ti.

Remruata hian kum a tlin hma, 96 bawr velah, amah enkawltu a pi chu thisen pek ngaiin a awm a, pek duh hle mahse a pe thei lo.

Hemi atang hian rilru a siam a, kum 1998 atangin thisen a pe tan a, tun thlengin a chhunzawm chho ta zel a ni.